सुत्केरी मृत्यु प्रकरण : छानबिन समिति गठन, शव पाेष्ट मार्टम गर्न धरान पठाइयाे

लहान-पीडित पक्षले क्षतिपूर्ति र दोषीमाथि कारवाहीको माग गर्दै पूर्व पश्चिम लोकमार्ग केहीबेर अवरुद्ध गरेका थिए । अवरुद्ध लोकमार्ग खुलाउन जिल्ला प्रहरी कार्यालय सिरहाका प्रवक्ता डिएसपी शालिग्राम शर्माको टाेलीले सामान्य बल प्रयोग गरी लोकमार्ग खुलाएको छ ।

लोकमार्गको अवरुद्ध खुलाउने क्रममा मृतक पक्षका केही व्यक्तिहरु सामान्य घाइते भएको मृतकका ससुराले बताए । जिल्ला प्रशासन कार्यालय सिरहाले छानविन समिति गठन गरेकाे छ ।

स्वास्थ्य कार्यालयका प्रमुख कृष्णदेव यादवको संयोजकत्वमा लहान अस्पतालका प्रसुती तथा स्त्री रोग विशेषज्ञ एवं लहान नगरपालिकाका स्वास्थ्य शाखा प्रमुख रहने गरी छानविन समिति गठन गरेकाे छ ।

शनिबार सुत्केरीकाे शल्यक्रिया गर्ने त्रममा नशा काटिएर मृत्यु भएकाे थियाे । मृत्यु पश्चात् अस्पतालका डाक्टर र कर्मचारी फरार भएका थिए ।