२०८१ असार ४, सोमबार
Health Aawaj logo
गृहपृष्ठलुम्बिनी प्रदेशप्रहरी हिरासतमा रहेका १३ जना थुनुवामा कोरोना संक्रमण

प्रहरी हिरासतमा रहेका १३ जना थुनुवामा कोरोना संक्रमण


बुटवल– रुपन्देहीमा प्रहरी हिरासतमा रहेका १३ जनामा कोरोना भाइरस संक्रमण पुष्टि भएको छ । अदालत पेस गर्ने तयारीमा रहेका १३ जना थुनवामा कोरोना संक्रमण पुष्टि भएको हो ।

इलाका प्रहरी कार्यालय बुटवलमा रहेका २७ जना थुनुवामध्ये १३ जनामा कोेरोना पोजेटिभ देखिएको जिल्ला प्रहरी कार्यालय रुपन्देहीका प्रमुख हेम कुमार थापाले बताए ।

मंगलबार परीक्षण गरिएका उनीहरुको बुधवार आएको रिपोर्टमा १३ जना थुनुवामा संक्रमण पुष्टि भएको जिल्ला जनस्वास्थ्य कार्यालय रुपन्देहीले जनाएको छ ।

यसअघि ईलाका प्रहरी कार्यालय बुटवलमा कार्यरत १ जनासहित मुख्यमन्त्री शंकर पोखरेलको स्कटिङका ३ जना सुरक्षाकर्मीहरुलाई कोरोना संक्रमण पुष्टि भएको थियो ।

यो सँगै बुधबार रुपन्देहीमा २५ जना कोरोना भाइरसका संक्रमित थपिएका छन् । यससँगै जिल्लामा कोरोना संक्रमितको संख्या ७ सय ६० पुगेको छ ।


क्याटेगोरी : लुम्बिनी प्रदेश, समाचार



तपाईको प्रतिक्रिया दिनुहोस


ट्रेण्डिङ