रुपन्देहीमा होम आइसोलेसनमा रहेकी महिलाको मृत्यु

बुटवल– रुपन्देहीमा होम आइसोलेसनमा बसेकी एक महिलाको मृत्यु भएको छ । तिलोत्तमा नगरपालिका–४ की ६८ वर्षीय महिलाको आइतबार राति मृत्यु भएको तिलोत्तमा नगरपालिकाका कोरोना फोकल पर्सन ईश्वर पाण्डेले जानकारी दिए ।

गत बिहीवार कोरोना भाइरस पुष्टि भएकी ती महिला होम आइसोलेसनमा थिइन् । आइतवार स्वास्थ्यमा समस्या आएपछि भैरहवाको भीम अस्पतालमा लैजाने क्रममा बाटोमै मृत्यु भएको पाण्डेले बताए । योसँगै तिलोत्तमा नगरपालिकामा मृत्यु हुनेको संख्या तीन पुगेको छ ।