बुटवलमा कोरोना संक्रमणबाट थप दुई जनाको मृत्यु

बुटवल—लुम्बिनी प्रादेशिक अस्पताल आइसोलेसन शाखा बुटवलमा कोरोना भाइरस (कोभिड—१९) संक्रमणबाट थप २ जनाको भएको छ । कुनै अन्य दीर्घ रोग नभएका दुई जना संक्रमितको मृत्यु भएकोे लुम्बिनी प्रादेशिक अस्पतालका मेडिकल सुपरिटेन्डेन्ट डा. राजेन्द्र खनालले बताए ।

उनका अनुसार मृतक एक जना बुटवल—११ रुपन्देहीका पुरुष हुन् भने अर्का एकजना नवलपरासी प्रतापपुर गाउँपालिकाकी महिला हुन् ।

श्वासप्रश्वासमा समस्या देखिएकी ३७ वर्षाीया महिलाको शनिबार बिहान ६ बजे र बुटवल–११ का ४० वर्षीय पुरुषको शुक्रबार राति ११ बजे मृत्यु भएको उनले बताए । उनीहरुको भेन्टिलेटरको सहायतामा उपचार भइरहेको थियो ।

योसँगै रुपन्देही जिल्लामा कोरोना संक्रमणबाट मृत्यु हुनेको संख्या १५ पुगेको छ । बुटवल उपमहानगरका मात्रै ६ जनाको मृत्यु भएको छ ।