बुटवलमा थप एक जना संक्रमितको मृत्यु

बुटवल—लुम्बिनी प्रादेशिक अस्पताल कोरोना आइसोलेसन शाखा बुटवलमा थप एक जनाको मृत्यु भएको छ ।

अस्पतालको आईसीयुमा उपचाररत पश्चिम नवलपरासीका एकजना संक्रमित पुरुषको शुक्रबार दिउँसो मृत्यु भएको अस्पतालका मेडिकल सुपरिटेन्डेन्ट डा. राजेन्द्र खनालले बताए ।

मृतक सुस्ता गाउँपालिका–५ का ५५ वर्षका पुरुष हुन् । ती पुरुषमा भदौ १९ गते कोरोना संक्रमण पुष्टि भएको थियो ।

उनमा कलेजो, मधुमेह र उच्च रक्तचापको समस्या रहेको डा. खनालले बताए ।