२०८१ असार ३०, आईतबार
Health Aawaj logo
गृहपृष्ठप्रदेश १मुटु स्वस्थ राख्न विराटनगरमा न्यूरोको सचेतना कार्यक्रम

मुटु स्वस्थ राख्न विराटनगरमा न्यूरोको सचेतना कार्यक्रम


विराटनगर—विराटनगरस्थित न्यूरो हस्पिटलले विश्व मुटु दिवसको अवसर पारेर सचेतनामूलक कार्यक्रम आयोजना गरेको छ । प्रत्येक वर्ष सचेतनामूलक कार्यक्रम आयोजना गरी मुटु दिवस मनाउने गरेको न्यूरोले बिहिबार विराटनगरमा गु्रप कार्डियाक वर्कआउट गरेको हो ।

बिहिबार विहान लर्ड वुद्ध कलेज विराटनगरमा आयोजित गु्रप कार्डियाक वर्कआउटलाई द व्यायामशाला, इटहरीले समन्वय गरेको थियो । गु्रप कार्डियाक वर्कआउटमा नेपाल युवा उद्योगी मन्च विराटनगर, न्यूरो हेल्थ कलेज, लर्ड वुद्ध कलेज, न्यूरो अस्पतालका वरिष्ठ चिकित्सक र स्वास्थ्यकर्मीहरू तथा सर्वसाधारणको सहभागिता रहेको थियो ।

ग्रुप कार्डियाक वर्कआउटपछि आयोजित कार्यक्रममा बोल्दै विराटनगरस्थित न्यूरो हस्पिटलको कल्सल्टेन्ट इन्टरभेन्सनल कार्डियोलोजिष्ट डा. निकेशराज श्रेष्ठले शरीरको सबैभन्दा महत्वपूर्ण अंग मुटु रहेकोले यसलाई स्वस्थ राख्न खानपिन र शारीरिक व्यायाममा ध्यान दिनुपर्नेमा सुझाव दिए ।

‘मुटुलाई स्वस्थ्य राख्न सके सुखमय भएर जीवन समृद्ध हुन्छ । सबैजनाले आफ्नो मुटु स्वस्थ राख्दै आफू स्वस्थ्य बनौं,’ कार्यक्रममा बोल्दै उनले भने, ‘आफ्नो शरीरमा कुनै समस्या आएको देखिए समयमै राम्रो अस्पताल छनोट गरी चिकित्सकसँग परामर्श गरेर उपचार गरौं । रोग बढ्न दिन हुँदैन । समयमै रोकथाम गरौं र मुटुलाई पनि स्वस्थ राखौं ।’

मुटुलाई स्वास्थ्य राख्नको खानपानमा पनि ध्यान दिनुपर्ने उनले बताए । ‘मासुजन्य, तारेको, भुटेको ,कार्बाेहाइड्रेड धेरै भएको खानेकुराहरु कम खाने, व्यायाममा जोड दिने । यस्ता कुरालाई ध्यान दिनुभयो भने मुटुमा लाग्ने धेरै रोगबाट बच्न सकिन्छ,’ डा. श्रेष्ठले भने ।

उक्त अवसरमा न्युरो कार्डियो एण्ड मल्टिस्पेशियालिटी हस्पिटलका कार्यकारी निर्देशक अनिशा विष्ट, अपरेशनल डाइरेक्टर राजेश भट्टराई, मेडिकल डाइरेक्टर डा. शैलजा क्षेत्री (श्रेष्ठ)लगायतको उपस्थिती रहेको थियो ।


क्याटेगोरी : प्रदेश १



तपाईको प्रतिक्रिया दिनुहोस


ट्रेण्डिङ