बाथरोग लाग्दा देखिने लक्षणहरू

बाथरोग एक प्रकारको अटो इम्युन डिजिज हो । अटो इम्युन डिजिज भन्नाले हाम्रो शरीरको रोग निरोधक शक्तिले आफ्नै शरीरको अङ्गमा असर पार्न थाल्छ । त्यस बेला अटो इम्युन डिजिज सुरु हुन्छ । जसले गर्दा शरीरका जोर्नीहरू सुन्निने तथा दुख्ने हुन्छ । यो रोगले आफ्नो शरीरमा भएको इम्युनले आफ्नै शरीरलाई हानी पुर्‍याउँछ । यो रोग शरीरको धेरै भागमा लाग्छ ।

बाथरोग भनेको एउटा मात्र रोग नभएर विभिन्न रोगहरूको सङ्कलन पनि हो । जस्तै मेरुदण्ड खिइने, कुरकुरे हड्डी खिइने, मांसपेशीमा हुने बाथहरू हुन्छन् ।  छाला, किड्नी र शरीरको अरू विभिन्न भागमा पनि बाथरोगले हानी पुर्‍याउँछ । बाथ रोग एक अटो इम्युन रोग हो । यस रोगलाई समयमै पहिचान गरी उपचार गरेमा निको हुन सक्छ ।

बाथरोगका लक्षणहरू

• साना तथा ठुला जोर्नीहरू दुख्ने, सुनिने, कक्रक्क पर्ने हुन्छ ।
• आरामको समयमा ढाड तथा जोर्नीहरू दुख्ने ।
• बिहानको समयमा शरीर अरट्ठ हुने ।
• मांसपेशीहरू गल्ने दुख्ने ।
• थकाई बढी लाग्ने ।
• बारम्बार गर्भधारणमा समस्या आउने ।
• घाममा अनुहार बढी रातो हुने वा पोल्ने ।
• कपाल बढी झर्ने ।
• मुख भित्र बारम्बार घाउ आउने ।
• चिसोमा औँलाहरू निलो , सेतो हुने ।
• शरीरमा बारम्बार घाउ अथवा, डाबर आइराख्ने ।
• खुट्टाको बुढी औँला वरिपरि वरिपरि रातो भएर दुख्ने ।
• कुर्कुच्चा पोल्ने, दुख्ने ।
• मांसपेशी कमजोर हुने ।
• खकारमा रगत देखा पर्ने ।
• लामो समय सम्म ज्वरो आउने ।
• आँखा बारम्बार रातो हुने ।