कोभिड-१९ विरुद्ध खोप ‘स्पुतनिक भी’ एचआईभी भएका मानिसहरूका लागि प्रभावकारी साबित भएको विज्ञहरुले दावी गरेका छन्। द ल्यान्सेटले प्रकाशित अध्ययनका अनुसार पहिलो चरणको अध्ययनले उक्त निष्कर्ष निकालेको हो।
यससँगै एचआईभीका बिरामीमा पनि प्रभावकारी साबित भएको विश्वको पहिलो कोभिड खोप हो।
प्रस्तुत तथ्यांक अनुसार एचआईभी (पीएलडब्लुएच) भएका मानिसहरूमा संक्रमणबाट जोगाउन कोभिड खोपको प्रभावकारितामा पहिलो वैज्ञानिक परिणामहरू हुन्। मस्कोमा एन्टिरेट्रोभाइरल थेरापी (एआरटी) मा २४ सय भन्दा बढी एचआईभी + बिरामीहरूको डेटामा आधारित, स्पुतनिक भि को प्रभावकारिता ७९ प्रतिशत थियो।
अस्पताल भर्ना विरुद्ध खोपको प्रभावकारिता ९० प्रतिशत भन्दा बढी थियो। स्पुतनिक भि (पीएलडब्लुएच) मा मध्यम वा गम्भीर रोगको विकास विरुद्ध पनि ९७ % भन्दा बढी प्रभावकारी छ। यो विश्लेषण गामालय केन्द्र र एड्स रोकथाम र नियन्त्रण मास्को शहर केन्द्रद्वारा प्रदर्शन गरिएको थियो।
एचआईभी + बिरामीहरूमा स्पुतनिक भीसँग पूर्ण खोपले खोप नदिइएका मानिसहरूको तुलनामा कोभिड-१९ संक्रमणमा ३.३ गुणा कमी आएको अध्ययनका लेखकहरूले उल्लेख गरेका छन्।
कोभिडबाट अस्पताल भर्ना भएका २३ प्रतिशत भन्दा बढी एचआईभीका बिरामीको मृत्यु भयो। उच्च एचआईभी-प्रकोप भएका देशहरू सहित कमजोर समूहहरूका लागि स्पुतनिक भि अत्याधिक प्रभावकारी रहेको अध्ययनले देखाएको छ।
-एजेन्सी
