इंग्ल्याण्डमा कोभिड-१९ संक्रमितको संख्या नयाँ स्तरमा पुगेको छ । गत महिना कोभिड–१९ पत्ता लगाउन गरिएको अनुसन्धानमा प्रत्येक १६ जनामध्ये एक जना अर्थात् ६.३७ प्रतिशतमा सङ्क्रमण देखिएको थियो । यो दर फेब्रुअरीमा रेकर्ड गरिएको संक्रमण दरको दोब्बर हो।
फेब्रुअरीमा गरिएको एउटा नयाँ अध्ययनले देखाएको छ कि फेब्रुअरीमा प्रत्येक ३५ जनामा परीक्षण गर्दा एक जनामा कोभिड संक्रमित भेटिएको थियो । बेलायतको इम्पेरियल कलेज लन्डनले लामो ‘रियल टाइम एसेसमेन्ट अफ कम्युनिटी ट्रान्समिसन (रिएक्ट-१)’ को विश्लेषणमा संक्रमण दर हरेक ३० दिनमा दोब्बर हुने देखाएको छ।
अध्ययनको सर्भेलेन्स डाटाका अनुसार संक्रमणका अधिकांश केसहरू ओमिक्रोनको बिए,२ ‘स्टिल्थ भेरियन्ट’ बाट आएका थिए। यो अध्ययन मार्च ८ र ३१ बीचको लगभग १ लाख १० हजार नमूनाहरूमा आधारित छ। जनस्वास्थ्य विभागका प्राध्यापक पल इलियटले यति ठूलो सङ्ख्यामा सङ्क्रमणको प्रवृत्ति चिन्ताजनक रहेको बताए ।
इम्पेरियल स्कूल अफ पब्लिक हेल्थका प्रतिक्रिया कार्यक्रम निर्देशक पॉल इलियटले भने, ‘प्रतिबन्धहरू सकिए पनि संक्रमणको जोखिममा रहेका अरूलाई जोगाउन सावधानीपूर्वक कार्य गर्न म आग्रह गर्दछु।’
–एजेन्सी
