औषधी गोदाममा लागेको आगो नियन्त्रणमा

चितवन – चितवनको नारायणगढमा रहेको एक औषधीको गोदाममा आगोलागी भएको छ । जिल्ला प्रहरी कार्यालय चितवनका प्रहरी प्रवक्ता डिएसपी सुर्य बहादुर थापाका अनुसार बिहिबार साँझ ६:५० बजे भरतपुर महानगरपालिका ३ स्थित शहिदचोकमा रहेको मेडिमिकस इन्ट्ररप्राइजेसको औषधी गोदाममा लागेको आगो एक घण्टापछि नियन्त्रणमा आएको हो ।

नेपाल प्रहरी, सशस्त्र प्रहरी, भरतपुर महानगरपालिकाको दुई वटा वारुणयन्त्र र खैरहनी नगरपालिकाको एउटा वारुणयन्त्रको सहयोगमा नियन्त्रणमा लिएको प्रहरी प्रवक्ता थापाले बताए  । आगलागीको कारण भने खुल्न सकेको छैनन् । घटनाबारे थप विवरण आउन बाँकी छ ।