राष्ट्रिय ट्रमा सेन्टरको पोष्ट अपरेटिभ वार्डमा काम गर्ने स्टाफमा कोरोना पुष्टि

कठमाडौं—राष्ट्रिय ट्रमा सेन्टरको पोष्ट अपरेटिभ वार्डमा काम गर्ने एक जना कर्मचारीमा कोरोना संक्रमण पुष्टि भएको छ । बुधबार एक जनामा कोरोना पोजेटिभ देखिएको ट्रमाका निर्देशक डा. सन्तोष पौडेलले बताए ।

‘आज एक जना कर्मचारीमा कोरोना पोजेटिभ देखिएको पुष्टि भएको छ,’ डा. पौडेलले भने, ‘हामी अब यसलाई कसरी व्यवस्थापन गर्ने विषयमा लागिरहेका छाैं ।’

ट्रमाले कोरोना अवधिमा पनि शल्यक्रियासहितका सेवाहरु नियमित प्रदान गर्दै आएको छ । पोष्ट अपरेटि वार्डमा काम गर्ने कर्मचारीमै कोरोना देखिएपछि अब सेवाहरु कसरी सुचारु गर्ने भन्ने विषयमा छलफल सुरु भएको छ ।

डा. पौडेलले आफूहरुले सेवा अवरुद्ध नगरी केसलाई व्यवस्थापन गर्नेतर्फ सोचिरहेको बताए ।