रुपन्देहीमा एकैदिन तीन जना कोरोना संक्रमितको मृत्यु

बुटवल– रुपन्देहीमा एकैदिन तीन जना कोरोना संक्रमितको मृत्यु भएको छ । शुक्रबार ३ जना कोरोना संक्रमितको मृत्यु भएको स्वास्थ्य कार्यालय रुपन्देहीले जनाएको छ ।

शुक्रबार मृत्यु भएका मध्ये २ जना सिद्धार्थनगर नगरपालिका र एकजना बुटवल उप–महानगरपालिकाका हुन् । गौतम बुद्ध सामुदायिक मुटु अस्पतालमा उपचारत ६४ वर्षीया महिला, घरमै रहेका सिद्धार्थनगर ८ का ४५ वर्षीय पुरुष, र बुटवल ८ मिलनचोकका ७८ वर्षीय पुरुषको मृत्यु भएको छ ।

यो सँगै रुपन्देहीमा कोरोना संक्रमणबाट मृत्यु हुनेको संख्या १४ पुगेको छ ।