काठमाडौं उपत्यकामा ५ सय ४१ सहित थप १०४४ जनामा संक्रमण पुष्टि

काठमाडौं– काठमाडौं उपत्यकामा ५ सय ४१ सहित थप १ हजार ४४ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा थप १ हजार ४४ जनामा कोरोना संक्रमित थपिएका हुन् ।

योसँगै नेपालमा कुल संक्रमितको संख्या २ लाख ४३  हजार ६ सय ९४ पुगेको छ।

यस्तै, शुक्रबार मात्रै  १ हजार २ सय ७१ जना कोरोना मुक्त भएका छन्। यससँगै कुल निको हुनेको संख्या २ लाख ३२ हजार ८ सय ७२ जना पुगेको छ।

पछिल्लो २४ घण्टामा ७ हजार ४ सय १२ जनाको पीसीआर परीक्षण भएको छ। भने, हालसम्म १८ लाख २०हजार ६ सय १८   जनाको पीसीआर परीक्षण भएको छ।