बङ्गालादेशमा भोलिबाट १ साताको लागि लकडाउन

बङ्गालादेशमा लकडाउन गरिने भएको छ। कोरोना संक्रमणको बढ्दो केसलाई मध्यनजर गर्दै सरकारले ५ अप्रिलबाट ७ दिनसम्मका लागि लकडाउन लागु गर्ने घोषणा गरेको हो।

बङ्गालादेशका प्रशासन राज्यमन्त्री फरहाद हुसैनले सबैकार्यालय र अदालत बन्द रहने र उद्योगहरु भने रोटेशनको आधारमा संचालन हुने बताएका छन्।

शनिबारमात्रै त्यहाँ ५ हजार ६ सय ८३ जनामा कोरोना संक्रमित थपिएका छन् भने ५८ जना संक्रमितको निधन भएको छ।

-एजेन्सी