गण्डकी प्रदेशको सामाजिक विकास तथा स्वास्थ्यमन्त्रीमा सिम्खडा

काठमाडौं—गण्डकी प्रदेशको सामाजिक विकास तथा स्वास्थ्यमन्त्रीमा शुशीला सिम्खडा नियुक्त भएकी छन् । शुक्रबार मुख्यमन्त्री सुरेन्द्रराज पाण्डेले नेपाली कांग्रेसबाट ३ र नेकपा माओवादी केन्द्रबाट १ गरी ४ मन्त्री थप गरेका हुन् ।

मन्त्रीपरिषद् विस्तारमा क्रममा यसअघि नै मन्त्रीमण्डलमा सहभागी सिम्खडालाई सामाजिक विकास तथा स्वास्थ्यमन्त्रीको जिम्मेवारी दिइएको हो ।

कांग्रेसबाट नवलपुरका महेन्द्रध्वज जिसी कृषि, बागलुङका दीपेन्द्रबहादुर थापा उद्योग, जितप्रकाश आलेमगर आर्थिक मामिला र माओवादी केन्द्रबाट रेशमबहादुर जुग्जाली भौतिक योजना मन्त्री बनेका छन् ।

नवनियुक्त मन्त्रीहरुले प्रदेश प्रमुख पृथ्वीमान गुरुङबाट शुक्रबार नै सपथ लिएका छन् ।