प्रा.डा. पोखरेलको प्रतिमा हिमालय आँखा अस्पतालमा

पोखरा—नेत्रज्योति संघ नेपाल संघका संस्थापक प्रा.डा. रामप्रसाद पोखरेलको प्रतिमा हिमालय आँखा अस्पताल पोखरामा अनावरण गरिएको छ । प्रतिमा नेत्रज्योति संघ नेपाल कास्कीले निर्माण गरेको हो ।

नेपाल नेत्रज्योति संघका केन्द्रीय उपाध्यक्ष एवं गण्डकी अध्यक्ष प्रा.डा. दिलबहादुर क्षेत्री र हिमालय आँखा अस्पतालका व्यवस्थापन समितिका अध्यक्ष वरिष्ठ अधिवक्ता सुरेन्द्र थापामगरले प्रतिमा अनावरण गरेका हुन् ।

केन्द्रीय उपाध्यक्ष क्षेत्रीले सो अवसरमा हिमालय आँखा अस्पताल पोखराको अहिलेको उल्लेखनीय अवस्था ‘आँखा बा’ प्रा.डा. पोखरेलकै योगदानका कारण भएको सुनाए ।

जग्गा दान र सहयोगको भरमा अस्पताल निर्माण गरेर आँखा उपचारमा प्रा.डा. पोखरेलले योगदान पुर्‍याएको उनको भनाइ थियो ।