कानुन बनेको ७ वर्षसम्म आयुर्वेद प्रतिष्ठान संचालन गर्ने निर्णय हुन सकेन

धनगढी—सुदूरपश्चिम प्रदेश सरकारले आयुर्वेद प्रतिष्ठान संचालनका लागि कानुन बनाएको ७ वर्षसम्म संचालनको निर्णय हुन सकेको छैन । वि.सं. २०७६ सालमै सुदूरपश्चिम सरकारले आयुर्वेद प्रतिष्ठान संचालनका लागि कानुन निर्माण गरेको थियो ।

तर, कानुन निर्माण गरेको ७ वर्ष बितिसक्दा पनि गर्ने अझै प्रतिष्ठान संचालन गर्ने निर्णय गर्न सकेको छैन । सुदूरपश्चिम प्रदेशमा आयुर्वेद स्वास्थ्य विज्ञानका क्षेत्रमा अध्ययन—अध्यापन र अनुसन्धानको ब्यवस्था गरी दक्ष जनशक्ति उत्पादन गर्न सुदूरपश्चिम आयुर्वेद प्रतिष्ठान स्थापना तथा संचालन गर्न कानुन नै निर्माण गरी १५ साउन २०७६ मा प्रमाणिकरण भई ऐन कार्यान्वयन आइसकेको छ ।

सुदूरपश्चिम आयुर्वेद प्रतिष्ठान हाल प्रादेशिक आयुर्वेद चिकित्सालय धनगढी उपमहानगरपालिका—१३ राजपुरमा तत्कालीन सेती आयुर्वेद औषधालयको स्थायी दरबन्दी र प्रदेश सरकारको अस्थायी दरबन्दीको भरमा चलेको छ ।

प्रदेश सरकारको नेतृत्व नै प्रदेशमा हस्तान्तरण भएका अधिकार समेत कार्यान्वयन नगरी आफू अनुकूलसँगै पहुँचका आधारमा वित्तीय स्रोतहरुको परिचालन गरिरहेको छ ।