जिल्ला अस्पताल सल्यानका एमडिजीपी चिकित्सक डा. साह अचेत भेटिए

वीरेन्द्रनगर—जिल्ला अस्पताल सल्यानका चिकित्सक अचेत अवस्थामा भेटिएका छन् । आइतबार जिल्ला अस्पताल सल्यानमा कार्यरत एमडिजिपी चिकित्सक डा. बुद्धिनाथ साह अचेत अवस्थामा फेला परेका हुन् ।

महोत्तरीको रतैली नगरपालिका–७ घर भएका डा. साह आइतबार बिहानदेखि सम्पर्कविहीन रहेका थिए ।

उनको खोजीका क्रममा अस्पतालको निर्माणाधीन भवनमा विषादी सेवन गरी अचेत अवस्थामा भेटिएको जिल्ला प्रहरी कार्यालय सल्यानका सूचना अधिकारी प्रहरी निरीक्षक पूर्णबहादुर केसीले बताए ।

गम्भीर अवस्थामा भेटिएका डा. साहलाई थप उपचारका लागि हेलिकप्टरमार्फत सुर्खेत हुँदै काठमाडौं लैजाने तयारी भइरहेको उनले जानकारी दिए ।

सुर्खेतबाट हेलिकप्टर मगाइए पनि खराब मौसमका कारण तिन बजेसम्म आउन सकेको छैन ।