काठमाडौं—पोखरा महानगरपालिकाले ३५ जना स्वास्थ्यकर्मी माग गरेको छ । १२ बैशाखमा पोखरा महानगरपालिकाले पदपूर्ति सम्बन्धि विज्ञापन गर्दै ३५ स्वास्थ्यकर्मीसहित ४७ जना कर्मचारी माग गरेको हो ।
महानगरपालिकाले १ जना स्त्री तथा प्रसुति रोग विशेषज्ञ नवौं तह, ७ जना मेडिकल अधिकृत आठौ तह, ३जना हेल्थ असिस्टेन्ट पाँचौ तह माग गरेको छ । यसैगरी, ५ जना स्टाफ नर्स पाँचौ तह, २ जना कविराज पाँचौ तह, १ जना रेडियोग्राफर पाँचौ तह, २ जना फार्मेसी सहायक पाँचौ तह, १ जना एनेस्थेसिया सहायक पाँचौ तह, ५ जना अहेब सहायक चौथो तह, ४ जना ल्याब असिस्टेन्ट चौथो तह र ४ जना अनमी सहायक चौथो तहका लागि आवेदन माग गरेको छ ।
यसैगरी, १ जना कम्प्युटर अपरेटर सहायक पाँचौ, १ जना सहायक कम्प्युटर अपरेटर सहायक चौथो र १० जना कार्यलय सहयोगी श्रेणीविहीनका लागि पोखरा महानगरले आवेदन गरेको हो । महानगरले यो सबै जनशक्ति करारमा पदपूर्ति गर्न लागेको हो ।
