पाटन अस्पतालमा कोरोना संक्रमित राख्न २० वेडको भेन्टिलेटरसहित आईसीयु तयार, पीपीई पनि आफै बनाउँदैं (फाेटाे फिचर)

काठमाडौं–पाटन स्वास्थ्य विज्ञान प्रतिष्ठानको शिक्षण अस्पतालले कोभिड १९ संक्रमितहरुको उपचारका लागि आईसीयु तयार गरेको छ ।

अस्पतालले २० वेडको भेन्टीलेटरसहितको आईसीयु तयार गरेको हो । साथै ६ वटा आइसोलेसन वेड पनि छुट्याइएको अस्पतालका निर्देशक प्रा.डा. विष्णुप्रसाद शर्माले बताए ।

उनले संक्रमित या आशंकित बिरामीहरुको उपचारका लागि अस्पताल तयार रहेको समेत जानकारी दिए ।

अस्पतालले उपचारमा संलग्न चिकित्सक नर्स तथा स्वास्थयकर्मीको लागि आफै व्यक्तिगत सुरक्षा उपकरण (पीपीई) पनि बनाउन थालेको जानकारी दिए ।

स्वास्थ्य तथा जनसंख्या मन्त्री भानुभक्त ढकालले बुधबार पाटनको निरिक्षण गरेका थिए । निरिक्षण पछि भएको भर्चुअल पत्रकार व्रिफिङ्गमा संक्रमण पहिचान भएका बिरामीलाई पाटनबाट उपचार गर्ने समेत घोषणा गरेका थिएँ ।