२०८१ साउन ५, शनिबार
Health Aawaj logo
गृहपृष्ठकर्णाली प्रदेशछाउगोठमा आगोले जलेकी महिलाको सुर्खेत प्रादेशिक अस्पतालमा शल्यक्रिया

छाउगोठमा आगोले जलेकी महिलाको सुर्खेत प्रादेशिक अस्पतालमा शल्यक्रिया


वीरेन्द्रनगर—छाउगोठमा बसिरहेको बेला आगलागीमा परेर शरीरको बायाँ भाग जलेकी एक महिलाको कर्णाली प्रदेश अस्पताल कालागाउँ सुर्खेतमा निःशुल्क उपचार भैरहेको छ ।

दैलेख दुल्लु नगरपालिका ६ कुसाकोटकी बसन्ती वि.क. छाउगोठमा बसिरहेको बेला आगोमा जलेकी हुन् । आगोमा जलेलगत्तै उनलाई दैलेख दुल्लु अस्पतालमा लगिएको भएपनि त्यहाँ उपचार हुन नसकेपछि प्रदेश अस्पताल सुर्खेत ल्याइएको हो ।

क्वारेन्टिनबाट भर्खरै घर गएकी वि.क. छाउगोठमा बसेको ४ दिनपछि छारे रोगका कारण पल्टिएर आगोमा परी जलेको उनका छोरा रुपेन्द्र विकले जानकारी दिए। गत असार ८ गते घटना भएको भएपनि गााउँमै झारफुक र जडिबुटी उपचार गर्दा घाउमा किरा परेपछि असार १६ गते बसन्तीका छोरा रुपेन्द्रले अस्पतालसम्म पु¥याएका थिए ।

सुरुमा हेर्दा आर्थिक अवस्था थाहा नभएपनि पछि अस्पतालले थाहा पाउने बित्तिकै सबै सेवाहरु निःशुल्क गरिएको अस्पतालका निर्देशक डा. डम्वर खड्काले जानकारी दिए । अहिले शल्यक्रिया गरेपछि बिरामीको अवस्था पहिलेभन्दा सामान्य नै रहेको निर्देशक खड्काले बताए ।


क्याटेगोरी : कर्णाली प्रदेश, समाचार



तपाईको प्रतिक्रिया दिनुहोस


ट्रेण्डिङ