काठमाडौं – देशभर ७ हजार ६ सय ६० जनामा कोरोना संक्रमण पुष्टि भएको छ । स्वास्थ्य मन्त्रालयको अनुसार पछिल्लो २४ घण्टामा थप ७ हजार ६ सय ६० जनामा कोरोना पुष्टि भएको हो।
काठमाडौँ उपत्यका मध्ये सबैभन्दा बढी काठमाडौंमा २ हजार ७ सय ७१, भक्तपुरमा ५ सय १३ र ललितपुरमा ६ सय १ जना गरेर काठमाडौँ उपत्यकामा मात्रै ३ हजार ८ सय ८५ जनामा पोजेटिभ देखिएको छ ।
यससँगै नेपालमा कोरोना संक्रमितको संख्या ३ लाख ५१ हजार ५ पुगेको छ।
यस्तै, पछिल्लो २४ घण्टामा १ हजार ७ सय ७५ जना निको भएका छन्। यससँगै कोरोनामुक्त हुने संख्या २ लाख ८७ हजार ७ सय ९० पुगेको छ । त्यस्तैगरी, पछिल्लो २४ घण्टामा थप ५५ जनाको मृत्यु भएको छ । यससँगै मृतकको संख्या ३ हजार ४ सय १७ पुगेको छ।
दिनानुदिन संक्रमणका केस बढ्नुका साथै मृतकको संख्या पनि तीव्ररुपले बढ्दै गैरहेको छ।
