२०७८ असार ५, शनिबार
Health Aawaj logo
गृहपृष्ठसमाचारपूर्वरानी कोमलको स्वास्थ्य अवस्था क्रमिक सुधार

पूर्वरानी कोमलको स्वास्थ्य अवस्था क्रमिक सुधार


काठमाडौं(कोरोना संक्रमणपछि नर्भिक इन्टरनेशल हस्पिटलमा उपचाररत पूर्व बडामहारानी कोमल शाहको स्वास्थ्य अवस्थामा क्रमिक रुपमा सुधार भइरहेको छ । अस्पतालका कर्पोरेट कम्युनिकेसन एण्ड पीआर म्यानेजर सोमनाथ बाँस्तोलाकाअनुसार अहिले उनको स्वास्थ्यमा निकै सुधार भएको छ ।

कोरोना संक्रमण भएपछि १२ दिनअघि कोमलसहित पूर्वराजा ज्ञानेन्द्र शाह र पूर्व अधिराजकुमारी प्रेरणा शाह नर्भिक अस्पताल भर्ना भएका थिए ।

कोमलको स्वास्थ्यमा समस्या देखिएपछि गत बिहीबारदेखि उनको प्लाज्मा थेरापी विधिबाट उपचार थालिएको थियो । अहिले पनि उनको आईसीयुमै राखेर उपचार भइरहेको छ ।

स्वास्थ्य अवस्था निकै सुधार भएकाले सामान्य वार्ड सार्ने विषयमा पनि चिकित्सकबीच छलफल चलिरहेको बाँस्तोलाले बताए । ‘उहाँको स्वास्थ्यमा धेरै सुधार भएको छ,’ उनले भने, ‘जनरल बेडमा सार्ने विषयमा चिकित्सकहरुबीच छलफल भइरहेको छ ।’

नर्भिक अस्पतालमै उपचाररत पूर्व राजा ज्ञानेन्द्र र पूर्व अधिराजकुमारी प्रेरणाको अवस्था भने सामान्य र स्थिर छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)