स्वास्थ्य मन्त्रालय र कर्णाली स्वास्थ्य प्रतिष्ठानबीच हुम्लामा विशेषज्ञ सेवा सञ्चालन गर्ने सम्झौता

काठमाडौं—स्वास्थ्य तथा जनसंख्या मन्त्रालय र कर्णाली स्वास्थ्य विज्ञान प्रतिष्ठानबीच हुम्ला जिल्ला अस्पतालमा विशेषज्ञ शल्यचिकित्सा सेवा  प्रदान गर्ने सम्बन्धि सम्झौता भएको छ । शुक्रबार मन्त्रालयका प्रमुख विशेष डा.गुणराज लोहनी र प्रतिष्ठानका उपकुलपति डा. मंगल रावलले सम्झौतामा हस्ताक्षर गरेका हुन् ।

प्रतिष्ठानका रजिष्ट्रार नृपेन्द्र महतकाअनुसार अब प्रतिष्ठानले हुम्ला जिल्ला अस्पतालमा कासबाट सर्जन, एनेस्थेसियोलोजिष्ट, गाइनोकोलोजिष्टसहित तीन जनाको टिम पठाएर विशेषज्ञ शल्यक्रियासहितको सेवा दिनेछ ।

त्रिपक्षीय सम्झौता भएपछि अहिले मन्त्रालयका प्रमुख विशेषज्ञ डा. लोहनी र उपकुलपति डा. रावलले मात्रै हस्ताक्षर गरेका छन् । चाडै जिल्ला अस्पताल हुम्लाका प्रतिनिधीले पनि सहमतिमा हस्ताक्षर गर्नेछन् ।