२०८० चैत्र १६, शुक्रबार
Health Aawaj logo
गृहपृष्ठसमाचारनिर्वाचनको दिन कोभिड खोप कार्यक्रम संचालन नहुने

निर्वाचनको दिन कोभिड खोप कार्यक्रम संचालन नहुने


काठमाडौं- स्वास्थ्य तथा जनसंख्या मन्त्रालयले स्थानीय तहको निर्वाचनका दिन कोभिड-१९ विरुद्धको खोप कार्यक्रम संचालन नहुने जनाएको छ। मन्त्रालयले आइतबार विज्ञप्ति जारी गर्दै स्थानीय स्वास्थ्यकर्मीहरुले पनि आफ्नो मताधिकार प्रयोग गर्नुपर्ने हुँदा खोप कार्यक्रममा कठिनाई हुने भएकोले सो दिन खोप कार्यक्रम संचालन नहुने जनाएको हो।

मन्त्रालयले सो दिन खोप अभियान संचालन नभए पनि निर्वाचन अघि र पछिका दिनहरूमा खोप केन्द्रहरूमा नियमित खोप अभियान सञ्चालन हुने हुँदा सबैलाई सकेसम्म चाँडो कोभिड १९ विरुद्धको खोप लगाउन आग्रह गरेको छ।

‘निर्वाचन सम्पन्न गर्न मतदान स्थलहरूमा स्वास्थ्यकर्मीहरू समेत परिचालन हुने र स्थानीय स्वास्थ्यकर्मीहरुले पनि आफ्नो मताधिकार प्रयोग गर्नुपर्ने हुनाले निर्वाचनका दिन अतिरिक्त खोप केन्द्र तथा नियमित खोप अभियान सञ्चालनमा कठिनाइ हुने भएकोले सो दिन खोप सञ्चालन नहुने जानकारी गराइन्छ, ‘विज्ञप्तिमा भनिएको छ।

यसको साथै पछिल्ला दिनमा संक्रमण बढ्दै गएकोले स्वास्थ्यका मापदण्ड अपनाएर निर्वाचनमा सहभागी हुन पनि सबैमा मन्त्रालयले अनुरोध गरेको छ।

May be an image of text


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ