एनएचआरसी यौन दुर्व्यवहार प्रकरण : छानविन समिति बनाइयो, आरोपित निलम्बनमा

काठमाडौँ – यौन दुर्व्यवहारको आरोपमा नेपाल स्वास्थ्य अनुसन्धान परिषद (एनएचआरसी)का एक कर्मचारीलाई निलम्बन गरिएको छ। परिषदका तालिम अधिकृत विजयकुमार झालाई एक युवतीमाथि परिषदमा नै यौन दूर्व्यवहार गरेको उजुरी पछि निलम्बन गरिएको परिषदका सदस्य सचिव डा. प्रदिप ज्ञवालीले जानकारी दिए।

‘एक कर्मचारीमाथि यौन दुर्व्यवहारको आरोप लागेपछि उहाँलाई निलम्बन गरिएको छ, ‘उनले भने, ‘यो संवेदनशील विषय भएको हुँदा गम्भीररुपमा छानविन भैरहेको छ ।’

परिषदले सो विषयमा छानविन गर्नको लागि स्वतन्त्र छानविन सिमिति गठन गरिएको समेत डा. ज्ञवालीले जानकारी दिए। दुर्व्यवहारको आरोप लागेका झा यसअघि पनि परिषदकै एक महिलामाथि यौन दुर्व्यवहार गरेको भन्दै २ महिना निलम्बनमा परेको थियो।