२०८१ साउन १, मंगलबार
Health Aawaj logo
गृहपृष्ठसमाचारजेनेभा भ्रमण टोलीको खर्च ५० लाख, २० लाख सरकारको ३० लाख दाताबाट

जेनेभा भ्रमण टोलीको खर्च ५० लाख, २० लाख सरकारको ३० लाख दाताबाट


काठमाडौं–विश्व स्वास्थ्य संगठनको ७५ औं महासभामा भाग लिन गएको नेपालको प्रतिनिधीमण्डलको खर्च ५० लाख रुपैयाँ बढी भएको पाइएको छ । स्वास्थ्य तथा जनसंख्यामन्त्री विरोध खतिवडाको नेतृत्वमा नेपालबाट गएको ९ सदस्सीय टोलीको खर्च ५० लाख रुपैयाँ बढी भएको स्वास्थ्य मन्त्रालय स्रोतले जनाएको छ ।

९ जनामध्ये मन्त्री, सचिव र महानिर्देशकको भ्रमण खर्च नेपाल सरकारले व्यवहोर्ने गरी तय गरिएको छ । जसमा मन्त्रीको विजनेस क्लास टिकट ५ लाख ४६ हजार रुपैयाँ, दैनिक भ्रमण भत्ता सरकारी नियमअनुसार प्रतिदिन ३ सय ३२ अमेरिकी डलर ९ दिनको ३ लाख ७१ हजार रुपैयाँ निकासाका लागि स्वास्थ्य मन्त्रालयले अर्थ मन्त्रालयमा पठाएको छ ।

त्यसैगरी, सचिवको हवाईजहाज टिकट खर्च १ लाख ८६ हजार रुपैयाँ र भ्रमण भत्ता सरकारी नियमअनुसार प्रतिदिन २ सय ९९ अमेरिकी डलर ९ दिनको ३ लाख ३४ हजार रुपैयाँ र महानिर्देशक (विशिष्ट श्रेणी)को पनि सचिव बरावरको रकम निकासाका लागि स्वास्थ्यले अनुरोध गरेको छ ।

भ्रमण दलका अन्य ५ सदस्यको भ्रमण खर्च भने तीन वटा आईएनजिओले तिर्न सहमत भएका छन् । जसअनुसार १ जनाको निक साइमण्ड, २ जनाको ग्लोबल फण्ड अन्र्तगतको सेभ द चिल्ड्रेनबाट र २ जनाको जीआईजेटले खर्च व्यवहोर्नेछ ।

तर, कसको खर्च कुन संस्थाले व्यवहोर्ने भन्ने अझै टुंगो लागिसकेको छैन । उनीहरुको हवाई यातायात र जेनेभाको बसाइँ खर्च ती संस्थाले व्यवहोर्ने सहमति भएको छ । मन्त्रालय स्रोतका अनुसार ५ जनाको खर्च जनही ५ लाख रुपैयाँ बढी हुनेछ ।

मन्त्रालयको समन्वय महाशाखा प्रमुख डा. संगीता मिश्राले जेनेभा जाने बेलामा आफू नेपाल सरकारको खर्चमा जाने भनेर बताएतापनि उनले खर्च अहिलेसम्म टुंगो लागेको छैन । ‘उहाँले नेपाल सरकारकै स्रोतबाट जाने भनेर भन्नुभएको थियो,’ स्रोतले भन्यो, ‘तर, अहिलेसम्म मन्त्री, सचिव र डिजीको मात्र फाइल मन्त्रालयबाट उठेर अर्थ पठाइएको छ ।’

विश्व स्वास्थ्य संगठनको महासभाको लागि संगठनले प्रत्येक वर्ष १ जनाको हवाई टिकट व्यवस्था गरिदिने हुँदा मिश्रा सोही टिकटमार्फत गएको हुन सक्ने मन्त्रालयका एक अधिकारीले बताए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ