माओवादी केन्द्रका उपमहासचिव वर्षमान पुनको स्वास्थ्यमा पुनः समस्या

काठमाडौं—माओवादी केन्द्रका युवा नेता वर्षमान पुनको स्वास्थ्यमा पुनः समस्या देखिएको छ । शनिबार गृह जिल्लाको कार्यक्रममा व्यस्त रहेका बेला स्वास्थ्यमा समस्या देखिएपछि नेकपा माओवादी केन्द्रका उपमहासचिव पुनलाई हेलिकप्टरबाट काठमाडौं ल्याइएको छ ।

काठमाडौं ल्याएर उनलाई ललितपुरको सुमेरु अस्पतालमा भर्ना गरेर उपचार सुरु गरिएको पारिवारिक स्रोतले जानकारी दिएको छ । यसअघि पुन तीन साता चीनमा उपचार गरेर स्वदेश फर्किएका थिए ।

वंशाणुगत जण्डिसको समस्या रहेका उनको स्वास्थ्यमा पटक—पटक समस्या देखिने गरेको छ ।