२०८१ साउन ५, शनिबार
Health Aawaj logo
गृहपृष्ठसमाचारविमान दुर्घटना पत्रकार महासंघका केन्द्रीय सदस्य पौडेलको निधन

विमान दुर्घटना पत्रकार महासंघका केन्द्रीय सदस्य पौडेलको निधन


काठमाडौं—पोखरामा भएको यति एयरलाइन्सको विमान दुर्घटनामा युवा पत्रकार त्रिभुवन पौडेलको निधन भएको छ । आइतबार विहान काठमाडौंबाट पोखराका लागि उडेको यति एयरलाइन्सको ९एन—एनएनसी एटीआर विमान सेती खोचमा दुर्घटनामा परेको थियो ।

उक्त दुर्घटनामा ३७ वर्षीय पौडेलको पनि निधन भएको पत्रकार महासंघले जनाएको छ । महासंघका महासचिव रोशन पुरीले एक विज्ञप्ति जारी गर्दै महासंघका केन्द्रीय सदस्य पौडेलको दुर्घटनामा निधन भएको खबरले महासंघ स्तब्ध र शोकमग्न भएको बताएका छन् ।

महासंघले उनको निधनबाट नेपाली पत्रकारिताले एक अनुभवी, उर्जाशील र जुझारु युवा पत्रकार गुमाएको उल्लेख गरेको छ ।

०७७ मा भएको निर्वाचनबाट उनी महासंघको केन्द्रीय सदस्यमा निर्वाचित भएका थिए । वि.सं. ०७४ सालमा उनले नेपाल पत्रकार महासंघ गण्डकी प्रदेश शाखाको संस्थापक अध्यक्षका रुपमा जिम्मेवारी सम्हालेका थिए ।

पोखरा हटलाइन दैनिकबाट पत्रकारिता सुरु गरेका उनले विभिन्न संचार माध्यममा काम गरेका थिए । उनका आमा, श्रीमती र एक छोरा छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ