२०८१ असार ४, सोमबार
Health Aawaj logo
गृहपृष्ठसमाचारचिकित्साशास्त्रको स्नातकोत्तर तहको भर्नामा योग्यता मिचिएको विषय संसदमा

चिकित्साशास्त्रको स्नातकोत्तर तहको भर्नामा योग्यता मिचिएको विषय संसदमा


काठमाडौं—चिकित्साशास्त्रको स्नातकोत्तर तहका कार्यक्रमको भर्नामा योग्यताक्रम मिचिएको विषय संसदमा पुगेको छ । आइतबार प्रतिनिधीसभाको बैठकमा बोल्दैं राष्ट्रिय स्वतन्त्र पार्टीकी सांसद डा. तोषिमा कार्कीले चिकित्साशास्त्रको स्नातकोत्तर तहको विद्यार्थी भर्नामा योग्यताक्रम मिचिएको भन्दैं तत्काल सच्याउन सरकारसँग माग गरेकी छन् ।

उनले पछिल्लो समय चिकित्सा शिक्षा आयोग विचलित जस्तो देखिएको बताउँदैं चिकित्साशास्त्रको स्नातकोत्तर तहको विद्यार्थी भर्नामा म्याचिङ प्रणालीमा योग्यता क्रम मिचिएको बताइन् । ‘पछिल्लो समय चिकित्सा शिषा आयोग विचलितजस्तो देखिएको छ, स्नातकोत्तर तहको विद्यार्थी भर्नामा म्याचिङ प्रणालीमा योग्यताक्रम मिचिएको छ,’ उनले भनिन् ।

डा. कार्कीले यसबारेमा अदालतबाट उचित आदेश प्राप्त भएपछि आयोगले नसच्चाएको बताइन् । ‘अदालतबाट उचित आदेश प्राप्त भयो । तर पनि भर्ना प्रक्रिया सच्याइएको छैन,’ उनले थपिन्, ‘राष्ट्रिय चिकित्सा ऐन २०७५ को परिच्छेद ६ को दफा १६, १७ र राष्ट्रिय चिकित्सा नियमावली २०७७ को परिच्छेद ५ को दफा १८ र २० मा यो योग्यताक्रम अनुसारको भर्नाको स्पष्ट व्यवस्था छ । एकीकृत प्रवेश परीक्षाको मूल मर्म नै जान्नेलाई छान्ने हो ।’

डा. कार्कीले तर यसपटक त्रुटीपूर्ण कार्यविधिले कम अंक ल्याउने विद्यार्थीले भने छात्रवृत्ति पाउने, रोजेको विषय र शिक्षण संस्था पाउने तर बढी अंक ल्याउने विद्यार्थीले भने छात्रवृत्ति पनि नपाउने, शिक्षण संस्था र विषय पनि रोज्न नपाउने अवस्था सृजना भएको उल्लेख गरिन् । ‘यसले गर्दा जेहेन्दार विद्यार्थीको मेहनतमाथि पनि कुठाराघात भएको छ । नियमावली र ऐनको ममलाई पनि यहाँ मिचिएको छ,’ उनले भनिन् ।

सांसद कार्कीले समस्या मात्र राखिनन् त्यसको समाधानका उपायहरु पनि सुझाइन् । ‘विगतका वर्षहरुमा झैं कम्प्युटर बेस प्रणालीमा म्याचिङ गर्ने हो भने त्यो समस्या समाधान हुन्छ । ऐन र नियमावलीको मर्मलाई समेटछ,’ उनले भनिन्, ‘र, अदालती आदेशको पनि सम्मान पुग्छ । तसर्थ, सभामुख महोदयमार्फत् म शिक्षामन्त्रीज्यूलाई आग्रह गर्न चाहन्छु–तत्कालै यो भर्ना प्रक्रिया सच्याइयोस् । र, थप क्षति हुनबाट स्वास्थ्य संयन्त्रलाई जोगाइयोस् ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ