नेपाल मेडिकल काउन्सिलको अध्यक्षमा डा. कोइराला नियुक्त

काठमाडौं–नेपाल मेडिकल काउन्सिलको अध्यक्षमा वरिष्ठ मुटुरोग विशेषज्ञ डा.भगवान कोइराला नियुक्त भएका छन् । मन्त्रीपरिषदको आईतबार बसेको बैठकले डा. कोइरालालाई नियुक्त गरेको हो । यसअघि शिक्षामन्त्री गिरिराजमणि पोखरेल नेतृत्वको  कमिटीले कोइरालालाई त्रिभुवन विश्वविद्यालयको उपकुलपति बनाउन सिफारिस गरेको थियो । तर, त्यसको निर्णय नहुँदै उनलाई काउन्सिलको अध्यक्षम नियुक्त गरिएको हो ।

काउन्सिल अध्यक्षको कार्यकाल ४ वर्षको हुनेछ । डा. कोइरालाको नियुक्तीसँग काउन्सिलका बेतिथि हट्ने र धेरै सुधार आउने अनुमान गरिएको छ । कोइरालाको नियुक्तीसँगै त्रिविको उपकूलपतिमा काउन्सिलका पूर्वअध्यक्ष डा धर्मकान्त बास्कोटाको सम्भावना बढेको छ ।