बागमतीका सबै प्रादेशिक अस्पतालमा फिजियोथेपापिस्टको दरबन्दी थप्न प्रदेश स्वास्थ्यमन्त्रीको पहल

भरतपुर– बागमती प्रदेशका सबै प्रादेशिक अस्पतालहरूमा फिजियोथेपापिस्टको दरबन्दी थपका लागि पहल गरिने भएको छ । चितवनमा आयोजित नेपाल फिजियोथेरापी संघको ११औँ अन्तर्राष्ट्रिय सम्मेलनमा बोल्दै बागमती प्रदेशका स्वास्थ्य तथा जनसंख्यामन्त्री उत्तम जोशीले प्रदेशका सबै प्रादेशिक अस्पतालमा दरबन्दी थपका लागि पहल गरिने बताएका हुन् ।

मन्त्री जोशीले चिकित्सा पद्धतिमा फिजियोथोपी निकै प्रभावकारी हुने भन्दै प्रदेशका १३ वटै अस्पतालमा दरबन्दीका लागि प्रस्ताव भइसकेको र भक्तपुर, सिन्धुली, नुवाकोटमा स्वीकृति गरेर पठाइसकेको बताए ।

अस्पतालहरूमा फिजियोथेरापिस्ट थोरै भएका कारण बिरामीले पाउनुपर्ने जति सेवा पाउन नसकेको भन्दै उनले सबै प्रादेशिक अस्पतालहरूमा फिजियोथेपापिस्टको दरबन्दी थपका लागि पहल गर्ने प्रतिबद्धता समेत व्यक्त गरे ।