ओम अस्पतालको पहिलो सिइओ बने महत

काठमाडौं—चाबहिलमा रहेको ओम अस्पताल एण्ड रिसर्च सेन्टरको सिइओमा यामबहादुर महत नियुक्त भएका छन् । २६ मंसिरमा बसेको ओम अस्पताल सञ्चालक समितिको बैठकले व्यवस्थापनमा पहिलो पटक सिइओको भूमिकामा महतलाई नियुक्त गरेको हो ।

‘आजै (बुधबार)बाट लागु हुने गरी उहाँ (महत) सिइओ नियुक्त हुनुभएको हो,’ अस्पतालका मेडिकल निर्देशक विश्वनाथ कोइरालाले हेल्थआवाजसँग भने, ‘उहाँ हाम्रो हस्पिटलको पहिलो सिइओ पनि हो । यसअघि अस्पतालमा सिइओको पद थिएन ।’

यसअघि ओम अस्पतालमा सिइओको पद थिएन । नवनियुक्त सिइओ महतले बुधबार नै एक कार्यक्रममाझ पदभार समेत ग्रहण गरेका छन् ।

आगामी ३ वर्षका लागि सिइओमा नियुक्त भएका महतसँग स्ट्यान्डर्ड चार्टर्ड बैक, तिलगंगा आँखा अस्पताल, होटल एभरेष्ट सेराटनलगायतमा काम गरेको अनुभव छ ।