स्वास्थ्यको मापदण्ड पालना गर्दै भक्तजनले मनाए शिवरात्री [फोटो फिचर]

काठमाडौँ – विगत दुई वर्षदेखि कोभिड-१९ संक्रमणको त्रासले शिवरात्रीको दिन शिवालय जान नपाएका शिवका भक्तजनहरु यस वर्ष भने पशुपति मन्दिर लगायत देशभरिकै शिव मन्दिरमा भगवान शिवको दर्शन गर्न पुगेका छन्। मंगलबार विहानदेखि नै शिव मन्दिरहरुमा भक्तजनहरुको भिड लाग्यो।

शिव दर्शन गर्न आउने भक्तजनहरुले स्वास्थ्यको मापदण्ड पालना गरेको पाइयो। प्रायले मास्क लगाएको देखिन्थ्यो। तर, मास्क नलगाएकाहरुलाई पनि मास्क वितरण गरिएको थियो। पशुपति परिसरमा केहि अस्पतालहरुले भक्तजनको स्वास्थ्य सुरक्षाका लागि नि:शुल्क स्वास्थ्य शिविर र औषधी वितरण समेत आयोजना गरेका थिए।