मिर्चैयाका डिएसपी जैसवार सहित चार जनामा संक्रमण पुष्टि, सिरहामा संक्रमितको संख्या २८० पुग्यो

जनकपुर – सिरहाको मिर्चैयास्थित रहेको इलाका प्रहरी कार्यालय मिर्चैयाका डिएसपी सहित पाँच जनामा कोरोना पुष्टि भएको छ । डिएसपी सन्तुलाल जैसवार, तीन जवान र एक थुनुवामा संक्रमण पुष्टि भएको जिलला प्रशासन कार्यालय सिरहाले जनाएको हो  ।

प्रादेशिक जनस्वास्थ्य प्रयोगशाला जनकपुरमा स्वाब परीक्षण गर्दा उनीहरूमा मंगलबार राती संक्रमण पुष्टि भएको छ । सिरहाका प्रमुख जिल्ला अधिकारी प्रदीपराज कणेलका अनुसार संक्रमित डिएसपी सहित चारै संक्रमितलाई मापदण्ड अनुसार प्रहरी कार्यालयकै आइसोलेसनमा राखिएको छ । थुनुवालाई भने अलग आइसोलेसनमा राखिएको छ ।

सिरहामा हालसम्म २ सय ८० जनामा कोरोना पुष्टि भएको छ । जसमध्ये २ सय ९ जना डिस्चार्ज भइसकेका छन् । ५५ जना आइसोलेसन र ५ सय ४४ जना होम आइसोलेसनमा रहेको प्रजिअ कणेलले बताए ।