२०८१ असार २९, शनिबार
Health Aawaj logo
गृहपृष्ठप्रदेश २सिरहा कारागार बन्यो हटस्पट, एकैदिनमा २५९ कैदीमा संक्रमण पुष्टि

सिरहा कारागार बन्यो हटस्पट, एकैदिनमा २५९ कैदीमा संक्रमण पुष्टि

संक्रमितको उपचार गर्न चुनौती


जनकपुर – सिरहा कारागारमा तीन दिनमै ५ सय कैदीबन्दीमा कोरोना संक्रमण पुष्टि भएको छ । जिल्ला स्वास्थ्य कार्यालय सिरहाका कोभिड श्रोत व्यक्ति अम्देश्वर चौधरीका अनुसार प्रादेशिक प्रयोगशाला जनकपुरमा भएको स्वाब परीक्षणको नतिजामा सिरहा कारागारका २ सय ५९ जनामा संक्रमण पुष्टि भएको हो ।

कारागारमा रहेका २ सय ६९ कैदीबन्दीको स्वाब परीक्षण गर्दा बुधबार २ सय ५९ जनामा संक्रमण पुष्टि भएको छ । कारागारमा हालसम्म ५ सय जनामा कोरोना संक्रमण पुष्टि भएको कारागार प्रमुख बबिता महतोले पुष्टि गरिन् । उनले भनिन्, ‘कारागारको क्षमता १ सय ५० जनाको मात्र भएपनि हाल ५ सय ९९ कैदी छन् ।’

कारागारमा २ सय ७७ जना पुरुष, २० महिला र २ बालबालिका रहेका छन् । सबै संक्रमित कैदीहरुलाई कारागारमै राखिएको छ । कारागारका झण्डै ८५ प्रतिशत कैदीबन्दीलाई कोरोना संक्रमण भएपछि उनीहरुलाई कहाँ राखेर उपचार गर्ने भन्ने बारे कारागार प्रशासन तथा जिल्ला कोभिड संक्रमण व्यवस्थापन केन्द्रको चुनौती भएको उनले बताइन ।


क्याटेगोरी : प्रदेश २



तपाईको प्रतिक्रिया दिनुहोस


ट्रेण्डिङ