प्रदेश २ मा थपिए ७९ जनामा कोरोना संक्रमित

जनकपुर – प्रदेश २ मा थप ७९ जना कोरोना संक्रमण पुष्टि भएको छ । पछिल्लो २४ घण्टामा  थप ७९ जना कोरोना संक्रमित थपिएका हुन् ।

योसँगै प्रदेश २ मा संक्रमितको संख्या १३ हजार ६९ पुगेको छ ।

सामाजिक विकास मन्त्रालयका अनुसार धनुषामा ३ जना, महोत्तरीमा १ जना, सिरहामा ८ जना, बारामा १० जना, पर्सामा २४ जना, सर्लाहीमा ३ जना, रौतहटमा १ जना र सप्तरीमा २८ जना कोरोना संक्रमित थपिएका छन् ।  १ जना  संक्रमित भने अन्य जिल्लाका छन् ।