२०८० चैत्र १५, बिहीबार
Health Aawaj logo
गृहपृष्ठप्रदेश २मधेश स्वास्थ्य विज्ञान प्रतिष्ठान विधेयक बहुमतले पारित

मधेश स्वास्थ्य विज्ञान प्रतिष्ठान विधेयक बहुमतले पारित


जनकपुर– प्रदेश २ सरकारले जनकपुरमा मधेश स्वास्थ्य विज्ञान प्रतिष्ठान बनाउने भएको छ । आइतबार बसेको प्रदेश सभा बैठकबाट मधेश स्वास्थ्य विज्ञान प्रतिष्ठान गठन सम्बन्धि विधेयक बहुमतले पारित गरेको हो ।

जनकपुरमा रहेकोे प्रादेशिक अस्पताललाई नै बिस्तार गरी सो अवधारणा लागू गर्ने भएको छ । प्रादेशिक अस्पताल जनकपुरधामलाई मधेश स्वास्थ्य विज्ञान प्रतिष्ठान अन्तर्गत राखी धरानको विपी कोइराला स्वास्थ्य बिज्ञान प्रतिष्ठान र पाटन स्वास्थ्य विज्ञान प्रतिष्ठान जस्तै अवधारणामा प्रदेश सरकारले मधेस स्वास्थ्य विज्ञान प्रतिष्ठान, जनकपुरधामको गठन गरेको हो ।

प्रदेश २ का सामाजिक विकास मन्त्री नवल किशोर साहको विशेष पहलमा ल्याइएको प्रस्ताव बहुमतले पारित गरेपछि मधेश स्वास्थ्य विज्ञान प्रतिष्ठान बन्ने भएको छ । जटिल प्रकृतिको रोग उपचारको लागि करिव अढाई सय किलोमिटरको दुरीमा रहेको धरान जानुपर्ने बाध्यता हट्ने बताइएको छ । धरान जस्तै उपचारको सुविधा जनकपुरमै उपलब्ध हुने प्रदेश सरकारले लक्ष्य राखेको छ ।


क्याटेगोरी : प्रदेश २, समाचार



तपाईको प्रतिक्रिया दिनुहोस


ट्रेण्डिङ