कोभिड–१९ अन्त्यका लागि जनकपुरमा ‘महामृत्युन्जय जप’ सुरू

धनुषा–कोभिड–१९ महामारी अन्त्यका लागि श्रीश्री १०८ श्री सुरज बाबाले महामृत्युन्जय जप सुरु गरेका छन् । जनकपुरधाम-७ स्थित कैथबनिया कुट्टीमा बाबाले बिहीबारबाट जप आरम्भ गरेका हुन् ।

महामृत्युन्जय जपका लागि वडाध्यक्ष जानकी राम साहले संयोजन गरिरहेका छन् । महामृत्युन्जय जप सुरु गरेका बाबाले कोभिड–१९ महामारी अन्त्य हुने विश्वास व्यक्त गरेका छन् । उनले भगवानले सबैको रक्षा गर्ने पनि बताए ।

मन्दिरमा मास्क बिना प्रवेश निषेध गरिएको छ । आर्थिक सहयोग गर्न चाहने व्यक्तिलाई मन्दिरमा सम्पर्क गर्न राष्ट्रिय युवा संघ नेपालका केन्द्रीय सदस्य रोशन कर्णले अपिल गरेका छन् ।