२०७८ असार ७, सोमबार
Health Aawaj logo
गृहपृष्ठप्रदेश २सिटी जेसिज लहानद्वारा ‘हेल्लो डाक्टर’ अभियान

सिटी जेसिज लहानद्वारा ‘हेल्लो डाक्टर’ अभियान


धनुषा–‘मानवताको सेवा नै जीवनको सर्वोत्तम कार्य हो’ भन्ने मूल नाराको साथ सिटी जेसिज लहानद्वारा कोभिड–१९ विरुद्ध ‘हेल्लो डाक्टर’ अभियान संचालन गरिएको छ । कोभिड–१९ को संक्रमणको कारण आक्रान्त भएको लहान नगरवासीलाई यस अभियानले स्वास्थसँग सम्बन्धित समस्या निराकरण गर्ने विश्वास गरिएको छ ।

अभियानअन्तर्गत नगरका जोकोहीले डा. अनिलकुमार यादव, डा. शैलेन्द्र साह र डा. दिपेन्द्र प्रसाद साहसँग निः शुल्क स्वास्थ परामर्श सेवा लिन सक्नेछन् ।

लहान सिटी जेसिजका निवर्तमान अध्यक्ष बसन्त साहका अनुसार यो सेवा २०७८ जेठ मसान्तसम्म जारी रहनेछ । परामर्श सेवा दिउँसो ३ बजेदेखि साँझ ७ बजेसम्म हुने सिटी जेसिज लहानका अध्यक्ष अजय जयसवालले बताए ।

निवर्तमान अध्यक्ष बसन्तका अनुसार अहिलेको अवस्थामा स्वास्थ परामर्श आधारभूत आवश्यकता रहेको छ । उनले केही व्यक्तिको स्वास्थसँग सम्बन्धित जानकारीको अभावले समुदायनै संक्रमणको चपेटामा पर्ने गरेकोले यो अभियान अगाडि बढाइएको हो ।


क्याटेगोरी : प्रदेश २



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)