मिथिला नगरपालिकाको एउटै वडामा फेरि थपिए २२ कोभिड–१९ संक्रमित

धनुषा–धनुषाको मिथिला नगरपालिका–११ मा फेरि २२ जनामा कोभिड–१९ संक्रमण पुष्टि भएको छ । १० वर्षीया बालिकादेखि ७१ वर्षीया वृद्धासम्म संक्रमित भएका हुन् ।

विहेका कारण उक्त वडामा संक्रमण फैलिएको छ । यसअघि ४६ जना एकैदिन संक्रमित भएका थिए । अहिलेसम्म एक सयभन्दा बढी संक्रमित भएका छन्, जसमध्ये एक जनाको मृत्यु समेत भइसकोको छ ।

संक्रमण फैलिएपछि सो वडामा त्रास फैलिएको छ । तापनि स्वास्थ्यकर्मीको टोली परिचालन नगरिएको स्थानीयको गुनासो छ । मेयर हरिनारायण महतोले संक्रमितको उपचारमा कुनै समस्या हुन नदिने प्रतिवद्धता जनाएका थिए ।

तर, मेयरले जनाएको प्रतिवद्धताअनुसार कुनै काम नगरेको स्थानीयले गुनासो गरेका छन् ।