नेपालगन्जमा डेन्टलको क्षेत्रीय कार्यशाला सुरु

नेपालगन्ज—नेपाल डेन्टल एशोसिएसनको पहिलो क्षेत्रीय कार्यशाला नेपालगन्जमा सुरू भएको छ। शुक्रबारबाट सुरु भएको कार्यशालामा दन्त चिकित्साका क्षेत्रमा विकास भएका नयाँ प्रविधी र अनुभव आदान—प्रदान गरिनेछ ।

कार्यशालामा बाँके, बर्दिया, सुर्खेत, दाङ, कैलाली र कन्चनपुरलगायत पश्चिम क्षेत्रका करिब ६० जना दन्त चिकित्सकहरू सहभागी छन् ।

कार्यशालामा वरिष्ठ दन्तहरू चिकित्सक डा. सुमन गौतम, डा. श्यामकाजी महर्जन र डा. मिलन अधिकारीले दन्त रोगका उपचारमा विकास भएका नयाँ प्रविधी र अनुभवका बारेमा प्रशिक्षण दिने कार्यक्रम रहेको नेपाल डेन्टल एशोसिएसन बाँकेका अध्यक्ष डा. प्रतीक श्रेष्ठले बताए ।