मिथिला आयुर्वेद मेडिकल कलेजको सम्बन्धन खारेज

काठमाडौं—जनकपुरस्थित मिथिला आयुर्वेद मेडिकल कलेज तथा अनुसन्धान केन्द्रको सम्बन्धन खारेज भएको छ । बिहीबार एक सूचना जारी गर्दै १० माघको निर्णयअनुसार नेपाल संस्कृत विश्वविद्यालय आयुर्वेद अध्ययन संस्थानले मिथिला मेडिकल कलेजको सम्बन्धन खारेज गरेको जनाएको छ ।

नेपाल संस्कृति विश्वविद्यालयअन्तर्गथत मिथिला मेडिकल कलेजले आयुर्वेद स्नातक तह (बीएएमएस) सम्बन्धन पाएको थियो । उक्त सम्बन्धन १० माघको कार्यकारी बैठकले खारेज गरेको आयुर्वेद अध्ययन संस्थान कार्यलयले जनाएको छ ।

उक्त कलेजका अध्ययनरत विद्यार्थीहरुको बाँकी अध्ययन नेपाल संस्कृत विश्वविद्यालय आंगिक केन्द्रीय आयुर्वेद विद्यापीड दाङमा गरिएको छ ।