२०७९ माघ २४, मंगलबार
Health Aawaj logo
गृहपृष्ठयोगबच्चाहरूको सम्पूर्ण विकासको लागि महत्त्वपूर्ण ३ योगासन

बच्चाहरूको सम्पूर्ण विकासको लागि महत्त्वपूर्ण ३ योगासन


योगासनको नियमित अभ्यास गर्ने बानी सबै उमेरका मानिसहरूका लागि लाभदायक मानिन्छ । बालबालिकादेखि बृद्धबृद्धासम्म, तपाईँको दैनिक दिनचर्यामा योग सहित तपाईँलाई विभिन्न प्रकारका स्वास्थ्य लाभहरू प्राप्त गर्न सकिन्छ ।

सबै अभिभावकले आफ्ना छोराछोरीमा योग गर्ने बानी बसाल्नुपर्ने स्वास्थ्य विज्ञहरू बताउँछन् ।

यसले बच्चाको मानसिक र शारीरिक स्वास्थ्य दुवैलाई फाइदा पु¥याउँछ । योगको अभ्यासले स्मरण शक्ति र सिकाइ बढाउन, दिमागलाई तीखो बनाउन र विभिन्न प्रकारका मानसिक विकारहरूको जोखिम कम गर्न पनि मद्दत गर्न सक्छ ।

बच्चाहरूको विकासको उमेरमा योगासनको बानी बसाल्नु धेरै राम्रो विकल्प हुन सक्छ । केही प्रकारका योगलाई मस्तिष्कको विकासमा सहयोगी मानिएको छ । यसको बानीले भविष्यमा धेरै प्रकारका मानसिक रोगहरू लाग्ने जोखिमलाई पनि कम गर्छ ।

आउनुहोस् जानौँ बच्चाहरूले नियमित रूपमा कुन योगासन गर्नुपर्छ र यसका फाइदाहरू के के हुन्?

पद्मासन योग
पद्मासन योग गर्ने बानी बालबालिकाका लागि निकै लाभदायक मानिन्छ । पद्मासन दिमाग शान्त र स्नायु स्वस्थ राख्न एक प्रभावकारी योग अभ्यास हुन सक्छ । यो योगको नियमित अभ्यास गर्ने बानी बालबालिकाको सर्वाङ्गीण विकासका लागि निकै लाभदायक मानिन्छ ।

पद्मासन योग शरीरको मुद्रा सुधार गर्न, शरीरमा चक्रहरूलाई जागृत गर्न र स्नायुहरूलाई स्वस्थ राख्न मद्दत गर्ने व्यायाम हो । यो योग मुद्राको फाइदाहरू सबै उमेरका मानिसहरूमा मानसिक स्वास्थ्य विकारहरूको जोखिम कम गर्न देखाइएको छ ।

पश्चिमोत्तनासन 
पश्चिमोत्तनासन योगको अभ्यासलाई बालबालिकाको शारीरिक र मानसिक विकासका लागि फाइदाजनक मानिन्छ । यो योग डिप्रेसन र तनाव जस्ता मानसिक विकारहरू कम गर्न र टाउकोमा रक्तसञ्चारलाई बढाउन लाभदायक हुन सक्छ ।

यो योग शरीरलाई राम्रोसँग स्ट्रेच गर्न र मांसपेशीहरूको कठोरता कम गर्नको लागि लाभदायक हुन सक्छ । यस योगको फाइदाले बालबालिकामा बढ्दो मोटोपनाको समस्याको जोखिमलाई कम गर्नमा देखिएको छ ।

हलासन
हलासन योगलाई मेटाबोलिज्म नियन्त्रण गर्न र मस्तिष्कमा रक्तसञ्चारलाई स्वस्थ राख्न सबैभन्दा प्रभावकारी योग आसन मानिन्छ । यस्तो अवस्थामा यो योगले बढ्दो बच्चाहरूलाई विशेष फाइदा पु¥याउन सक्छ ।

हलासन योगको अभ्यासले तनाव कम गर्दै दिमाग शान्त राख्न लाभदायक हुन सक्छ । बच्चाहरू को लागी शारीरिक गतिविधिमा योग एक राम्रो विकल्प मानिन्छ । यो योगलाई काँधदेखि खुट्टासम्म तन्काउने दिनचर्याको हिस्सा बनाउन सकिन्छ ।

अमरउजालाबाट भावानुवाद


क्याटेगोरी : योग



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)