विपी कोइराला स्वास्थ्य विज्ञान प्रतिष्ठानमा एक जना कोरोना संक्रमितको मृत्यु

काठमाडौं—विपी कोइराला स्वास्थ्य विज्ञान प्रतिष्ठान धरानमा एक जना कोरोना संक्रमितको मृत्यु भएको छ । प्रतिष्ठानका सह—प्रवक्ता चुरामणी पोखरेलका अनुसार झापा विर्तामोडकी ४५ वर्षीया महिलाको आइतबार राति मृत्यु भएको हो ।

रियुमेटिक हर्ट रोगकी बिरामी ती महिलामा १९ मंसिरमा कोरोना पुष्टि भएको थियो । सोही दिन उनलाई प्रतिष्ठानको कोभिड अस्पतालमा भर्ना गरेर उपचार सुरु गरिएको थियो ।

सह—प्रवक्ता पोखरेलकाअनुसार उनको शव व्यवस्थापन विधिअनुसार हुँदैछ ।