काठमाडौं उपत्यकामा २४७ सहित थप ५३४ जनामा कोरोना पुष्टि

काठमाडौं—नेपालमा थप ५ सय ३४ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप ५ सय ३४ जनामा कोरोना संक्रमण देखिएको हो ।

पछिल्ला केहि दिनयता कोरोना संक्रमण हुनेको संख्याको साथै दैनिक मृत्यु हुने संख्या घट्दै गएको छ । काठमाडौं उपत्यकामा बिहिबार मात्र २ सय ४७ जना संक्रमित थपिएका छन्।

यस्तै, पछिल्लो २४ घण्टामा ४ सय ४७ जना कोरोना संक्रमित निको भएर घर फर्किएका छन् । अहिलेसम्म निको भएर घर फर्किनेमा २ लाख ५२ हजार ३ सय ५९ जना रहेका छन् । निको हुने दर नेपालमा ९६. ८ प्रतिशत रहेको छ। पछिल्लो २४ घण्टामा ६ हजार वटा पीसीआर नमुना परीक्षण भएको छ।