पोखरामा बर्ड फ्लु भेटियो

पोखरा – पोखरा महानगरपालिकाका २ वटा वडामा बर्ड फ्लु संक्रमण भेटिएको छ । वडा १५ र १७का विभिन्न ठाउँमा दैनिक कुखुरा मर्न थालेपछि परीक्षण गर्दा कुखुरामा बर्ड फ्लु भेटिएको हो ।

फागुन ६ गते जिल्ला प्रयोगशालामा परीक्षण गरिएको थियो । आरडिटी परीक्षण पोजेटिभ देखिएपछि नमुना काठमाडौं पठाइएको थियो । काठमाडौं प्रयोगशालाले १५ फागुनमा संक्रमण पुष्टि गरेको जिल्ला बर्ड फ्लु नियन्त्रण कक्षका सञ्चार अधिकृत डा. गृष्म न्यौपानेले जानकारी दिए ।

२७ फागुनसम्म जोखिम क्षेत्रमा पन्छी र पन्छीजन्य पदार्थको ओसारपसारमा रोक लगाइएको छ । बर्ड फ्लु देखिए पछि उपभोक्ता र किसानलाई सचेत रहन आग्रह गरिएको छ । तापक्रम बढ्ना साथ भाइरस मर्ने भएकोले उपभोक्ता आत्तिहाल्नु पर्ने अवस्था भने नभएको बताइएको छ ।