बागमती प्रदेशले माग्यो पाँचौ तहका २४८ जना विद्यालय नर्स

काठमाडौं—बागमती प्रदेशको स्वास्थ्य मन्त्रालयअन्तर्गतको स्वास्थ्य निर्देशनालयले २४८ जना विद्यालय नर्सका लागि आवेदन माग गरेको छ ।

बिहीबार निर्देशनालयले एक विज्ञापन प्रकाशित गर्दै ‘एक विद्यालय, एक नर्स कार्यक्रम’ लागु भएका माध्यमिक विद्यालयमा काम गर्ने गरी २४८ जना विद्यालय नर्स माग गरेको हो ।

करार सेवाका लागि इच्छुकले १५ दिनभित्र आवेदन दिन सक्नेछन् । विद्यालय नर्स छनोट लिखित तथा अन्तर्वार्ताबाट हुनेछ ।

आवेदकहरुले बागमती प्रदेशअन्तर्गतका जिल्ला जनस्वास्थ्य कार्यालयमार्फत आवेदन दिन सक्नेछन् । विद्यालय नर्सका लागि मान्यताप्राप्त शिक्षण संस्थाबाट नर्सिङ विषयमा कम्तिमा प्रमाणपत्र तह उत्तीर्ण गरेको हुनुपर्नेछ ।