२०८१ साउन ७, सोमबार
Health Aawaj logo
गृहपृष्ठगण्डकी प्रदेश१० महिनापछि स्याङ्जा अस्पतालको मेसुमा डा. रुक्मिना

१० महिनापछि स्याङ्जा अस्पतालको मेसुमा डा. रुक्मिना


पोखरा-जिल्ला अस्पताल स्याङ्जाको मेडिकल सुपरिटेन्डेन्ट (मेसु)को जिम्मेवारी डा. रुक्मिना अधिकारीले पाएकी छन् । गत कात्तिकदेखि रिक्त मेसु पद डा. अधिकारी आएसँगै १० महिनापछि अस्पतालले नयाँ नेतृत्व पाएको हो ।

यसअघि डा. अधिकारी पर्वत जिल्ला अस्पतालको मेसु रहेकी थिइन् । उनको स्याङ्जा जिल्ला अस्पतालमा सरुवा भएको हो ।

लामो समय मेसु पद रिक्त हुँदा अस्पतालका विविध काममा बाधा पुगेको भन्दै मेसु पठाइदिन अस्पताल सञ्चालक समितिले पटक पटक आग्रह गरेको थियो ।
अस्पतालमा मेसु नभएपछि वरिष्ठ नर्स कृष्णकुमारी कार्कीले निमित्त मेसुका रुपमा काम गर्दै आएकी थिइन्् ।

अस्पताल सञ्चालक समिति अध्यक्ष इन्द्रबहादुर गोदार, निमित्त प्रमुख कृष्णकुमारी कार्कीलगायतले मेसुु डा. अधिकारीलाई स्वागतसहित अस्पतालको अवस्थाबारे जानकारी गराएका थिए ।


क्याटेगोरी : गण्डकी प्रदेश



तपाईको प्रतिक्रिया दिनुहोस


ट्रेण्डिङ