२०८१ साउन ५, शनिबार
Health Aawaj logo
गृहपृष्ठसमाचारडडेल्धुरा अस्पतालका चिकित्सकमाथि हातपातको प्रयास

डडेल्धुरा अस्पतालका चिकित्सकमाथि हातपातको प्रयास


काठमाडौं—डडेल्धुरामा अस्पतालका चिकित्सकहरुमाथि हातपातको प्रयास भएको छ । बिहीबार सडक दुर्घटनामा परेर घाइते भएकाहरुको उपचारमा जुटिरहेका चिकित्सकहरुमाथि आकस्मिक कक्षमा हातपातको प्रयास भएको अस्पतालले जनाएको छ ।

अस्पतालका मेडिकल सुपरिटेन्डेन्ट डा. जगदिशचन्द्र विष्टले सडक दुर्घटनामा घाइते भएका र अन्य सिकिस्त बिरामीहरुको उपचारमा चिकित्सक तथा स्वास्थ्यकर्मीहरु आकस्मिक कक्षमा खटिरहेका बेला १५—२० जनाको भिड प्रवेश गरेको बताएका छन् । उक्त भिडलाई ड्युटीमा अवरोध नगर्न आग्रह गर्दा चिकित्सकमाथि हातपातको प्रयास भएको डा. विष्टले बताए ।

अस्पतालले चिकित्सकमाथि हातपातको प्रयास गर्ने घटनामा संलग्नमाथि जिल्ला प्रशासन समक्ष कारवाहीको माग गरेको छ ।

साथै, अस्पतालले बिरामीको उपचारमा खटिने चिकित्सक तथा स्वास्थ्यकर्मीको र बिरामीको सुरक्षाप्रति संवेदनशील बनिदिन पनि सबैमा आग्रह गरेको छ ।


क्याटेगोरी : समाचार, सुदूरपश्चिम प्रदेश



तपाईको प्रतिक्रिया दिनुहोस


ट्रेण्डिङ